S.E Abrao Nokosiku Saldanha : Kontribui ba Mundu Juventude Timor-Leste Tenki THINK GLOBAL, ACT LOCAL

By Media DNICT 12 Agostu 2020, 14:20:59 TLs JUVENTUDE
S.E Abrao Nokosiku Saldanha : Kontribui ba Mundu Juventude Timor-Leste Tenki THINK GLOBAL, ACT LOCAL

Fotografia : S.E. Eng. Abrão Nokosiku Saldanha hato


DILI- Sekretáriu Estadu Juventude no Desportu (SEJD) S.E. Eng. Abrão Nokosiku Saldanha halo abertura ba kolókiu loron mundial juventude nian tersa loron-11 fulan-Agostu tinan-2020. Kolókiu ida ne’e realiza husi Alumni Parlamentu Foin Sa’e (APFTL) hamutuk ho SEJD iha salaun kadedral Dili. 

Iha intervensaun, sekretariu estadu hato’o parabens ba joven sira hotu iha Timor-Leste no iha mundu tomak ba selebrasaun loron mundial juventude nian. Sekretariu estadu mós expressa ninia dejeiju atu ho tema selebrasaun tinan ida ne’e nian, “Juventude ba Asaun Global” sei inspira joven sira ba hola asaun ruma ba mundu tomak nia diak. 

“Ha’u hein katak joven sira iha Timor-Leste hala’o no tau duni iha prátika buat ne’ebé mak ema dehan “THINK GLOBAL, ACT LOCAL,” hatete sekretari estadu.

Sekretariu estadu mós halo esplikasaun kona-ba ninia vizaun polítika rua ne’ebé sai baze ba ninia mandatu nu’udar sekretariu estadu juventude no desportu. Vizaun rua ne’e mak “FOIN-SA’E MILENIAL FORSA KRIATIVA,” ne’ebé atu “rekoñese joven sira nu’udar forsa kriadores ne’ebé iha talentu, kapasidade no kreatividade oioin atu kontribui ba Timor-Leste nia dezenvolvimentu. Vizaun ida seluk mak “DESPORTU IHA SOSIEDADE NO PRESTASAUN,” ne’ebé nia intensaun mak atu lori desportu ba to’o no hela hamutuk segmentu hot-hotu iha sosiedade nian no halo desportu sai kultura ida iha Timor-Leste nia sosiedade.

Ko'alia kona-ba objetivu Estadu atu garante dezenvolvimentu ekonomia, progresu siénsia no téknika, haktuir ba Konstituisaun da Repúblika, sekretariu estadu esplika katak joven sira, iha responsabilidade boot iha dezenvolvimentu ekonómiku ita nia rain nian.

Sekretariu Estadu hatutan tan katak ba ida ne’e, joven sira tenki buka hatene no hahu hola pozisaun kona-ba oinsa mak sira bele hahu ativamente partisipa iha atividade ekonómika sira nia rain nian.


#FoinSaeMillenialForsaKriativa #DesportuIhaSosiedadenoPrestasaun 
EJMG//FBdJ//Joqi//RM @copyrigth DNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu