- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Estudante Eskola Sekundaria Sira Iha Suai Partisipa Kompetisaun Certame, Diskursu Publiku no Puizia
Fotografia : Estudante Eskola sekundaria no Tekniku Vokasional iha munisipiu Covalima partisipa Kompetisaun Certame, Diskursu públiku no deklamasaun poesia (05/11/2020). Atividade ne;e realiza hosi Centru Juventude Covalima hodi komemora loron nasional Juventude. Imajen/DNICT
COVALIMA- Iha loron-5, loron-6 no loron-8 fulan-Novembru tinan-2020, Centru Juventude Covalima hala’o kompetisaun certame, diskursu públiku no kompetisaun puizia ba estudante eskola sekundaria sira. Atividade ida ne’e hala’o iha Suai Vila.
Atividade certame ne’e partisipa husi estudante sira husi eskola sekundaria lima hanesan; ESCAM, ESGP de Suai, ESTV Cristal, Escola CAFE no ESTV Akar Laran. Kompetisaun ida ne’e hala’o ho materia kona-ba Timor-Leste nia istoria no Konstituisaun Repúblika Demokrátika Timor-Leste nian. Kompetisaun Puizia hala’o iha loron-5 fulan-Novembru.
Certame faze eliminatoria hala’o iha loron-5 fulan-Novembru no faze finala hala’o iha loron-6 fulan-Novembru. Entretantu, kompetisaun diskursu públiku faze eliminatoria hala’o iha loron-5 fulan-Novembru no faze final hala’o ohin, loron-8 fulan-Novembru tinan-2020.
Atu komemora loron Masakre Santa Cruz no Selebra Loron Nasional Juventude tinan-2020, Centru Juventude Covalima hala’o atividade lubuk ida hanesan Marsa saudavel, kompetisaun certame, kompetisaun diskursu públiku, kompetisaun puizia, jogus halai taru karong, berlindus, seminariu, serbisu sosial, kalan reflesaun, misa no aprezentasaun kultural.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2020