- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
MEJD Realiza Formasaun Manorin Edukasaun Fizika no Desportu
Fotografia : Ministru Edukasaun Juventude no Desportu Dr. Armindo Maia halo abertura ba formasaun porfessores edukasaun fizika no desportu iha fundasaun Oriente Dili (30/11/2020). Imajen/DNICT
Dili- Ministru Edukasaun Juventude no Desportu Dr. Armindo Maia halo abertura ba formasaun porfessores edukasaun fizika no desportu iha fundasaun Oriente Dili, iha loron 30 fulan novembro tinan 2020.
Ministeriu Edukasaun,Juventude no Desportu atraves Diresaun Nasional Desportu Edukasional SEJD fo formasaun ne’e ba manorin edukasaun fizika no desportu nain 31 husi ensinu basiku 12 iha munisipiu Dili.
Armindo Maia hatete materia edukasaun fizika no desportu tuir lolos tama iha kurikulu. Governante ne’e husu ba manorin nain sira laos deit hanorin iha sala maibe presija mos hanorin iha kampo atu estudantes sira bele intende didiak kona ba materia edukasaun fizika no desportu liu-liu manorin nain sira tenke saudavel.
“Ho ida ne’e ita espera iha tinan oin ita sei loke tan departamentu edukasaun fizika no desportu iha UNTL, aleinde ne’e materia refere ba ensinu baziku hanesan preparasaun ida ba labarik sira hodi sai atleta professional iha futuru, ida ne’e responsabilidade bo’ot ida ba professor sira iha idak-idak nia eskola” dehan Armindo Maia.
Diretor Jeral Juventude no Desportu iha Sekretária Estadu Juventude no Desportu David Tomas de Deus hatete tuir politika nasional desportu iha parte dezemvolvimentu desportu eskolar hateten edukasaun fizika no desportu mak instrumentu influensia hodi hadia saude fiziku no mental hametin lasu social, promove intelektualidade, kultura respeitu, haburas relasaun social, promove soliedariedade no toleransia, no permite dezemvolvimentu ekonomia.
“Husi aspetu hirak ne’e presija tebes hetan apoiu husi lideransa estadu, edukador, treinador, mestre no mestra sira, inan aman, organizasaun desportu no komunidade, aleinde ne’e iha politika nasional desportu mos labarik no joven sira iha skill desportu baziku, moris saudavel, iha kuinhesimentu diak no iha atetude diak nudar sidadaun no iha potensia atu kompete iha kualker jogu desportu,” dehan David Tomas.
DJ David reforsa atu atinji metas hirak ne’ebe temi iha leten iha etratejeia hitu mak hanesan eskola no organizasaun desporrtu sira iha kapasidade rekursu umanu, fasilidades, jestaun lideransa hodi organiza dezemvolvimentu desportu iha eskola nomos iha organizasaun desportu sira.
Diretur jeral hatutan atu operasionaliza servisu hanesan temi iha leten, maka iha lei organika MEJD no SEJD liu-liu parte diresaun desportu eskolar ho metas tuir politika nasional desportu maka SEJD halao formasaun liu husi koordenasaun efetivamente ho diretur edukasaun munisipiu hodi identifika proffesores eduaksaun fizika no desportu iha eskola ensinu baziku no ensinu sekundariu atu hasa’e kunihesimentu atraves formasaun durante semana rua hosi loron 30 novembru no remata iha loron 04 dezembru 2020.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2020