- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Protokolu Kooperasaun Entre SEJD ho UNTL, Hakatak Dahuluk Ida atu Lori Desportu ba Sosiedade
Fotografia : S.E Eng. Abrão Nokosiku Saldanha ho Reitor Prof. Dr. Francisco Martins Asina akordu protokolu koperasaun entre SEJD ho UNTL iha salaun retoria UNTL Dili, tersa loron 11 Agostu 2020. Imajen//DNICT
DILI- Sekretáriu Estadu Juventude no Desportu (SEJD) Eng. Abrão Nokosiku Saldanha Asina akordu protokolu koperasaun entre SEJD ho Universidade Nasional Timor Leste (UNTL) ne’ebe hala’o iha salaun retoria UNTL, Dili, Tersa loron 11 Agustu 2020.
Sekretária Estadu Juventude no Desportu Eng Abrão Saldanha ho Reitor Universidade Timor Lorosae Prof. Dr. Francisco Martins asina protokolu kooperasaun atu hatutan Departamentu Desportu no Edukasaun Fízika iha UNTL.
Sekretáriu Estadu Juventude no Desportu hatete, protokolu ida ne’e marka pasu importante ida ba polítika lori desportu ba sosiedade atu habo’ot desportu iha baze, halo desportu sai kultura ida iha sosiedade no kontribui ba hadiak liu tan Timor-Leste nia prestasaun desportiva iha alta kompetisaun to’o nivel nasional, rejional no internasional.
Sekretáriu Estadu Abrão Saldanha nia vizaun ba area desportu mak “DESPORTU IHA SOSIEDADE NO PRESTASAUN.” Vizaun polítika ida ne’e atu lori desportu ba segmentu hotu-hotu ba sosiedade nian iha nivel hotu-hotu. Fatin importante ida ba hahu implementa vizaun ida ne’e mak eskola sira.
“Protokolu kooperasaun ho UNTL ne’e atu prepara rekursu umanus, liuliu prepara profesores desportu no edukasaun fízika sira atu ba hanorin desportu no edukasaun fízika iha eskola sira. Ida ne’e parte importante ida husi lori desportu ba ita nia sosiedade,” hatete Sekretáriu Estadu.
Entertantu, Reitor UNTL Prof, Dr, Fransisco Martins,Phd hatete Protokolu de kooperasaun ne’ebé mak asina ne'e ho objetivu prinsipal mak atu kontinua serbisu hamutuk entre SEJD ho UNTL ba implementasaun no dezenvolvimentu kursu lisensiatura iha ensinu desportu no edukasaun fïzika iha Fakuldade Edukasuan, Artes no Humanidade UNTL nian.
#FoinSaeMillenialForsaKriativa #DesportuIhaSosiedadenoPrestasaun
EJMG//FBdJ//Joqi//RM @copyrigth DNICT-SEJD 2020