- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
S.E Abrao Nokosiku Saldanha Sai Orador iha Komemorasaun Aniversariu MEC-TL ba Dala 16
Fotografia : S.E Abrão Nokosiku Saldanha foto hamutuk ho partisipantes seminariu MEC-TL, sexta (07/08). Imajen/DNICT
DILI- Sekretáriu Estadu Juventude no Desportu (SEJD) Eng. Abrão Nokosiku Saldanha sai orador iha seminariu ne’ebé realiza husi Movimentu Estudante Kristaun Timor-Leste (MEC-TL, Sigla Portugés) komemora aniversairu ba dala 16 movimentu ne’e nian iha salaun igreja Hossana Bebora Dili, sexta loron 07 Agustu 2020.
Prezensa Sekretariu Estadu Abrão Saldanha iha MEC-TL ne’e mós atu hakbesik diak liu tan ho komunidade no igreja tuir vizaun foin sa’e milenial, forsa kriativa, ne’e signifika katak oinsa maka estadu identifika foin sa’e sira ne’ebé iha potensia no forsa ba kriasaun atu kria solusaun no mos forsa inovasaun ho kreatividade. Iha area desportu mak desportu iha sosiedade no prestasaun, iha vizaun ida ne’e katak lori desportu ba ema hotu-hotu no hela ho ema hotu-hotu atu sai kultura.
Iha seminariu ne’ebé foka liu ba dezemvolvimentu nasional ne’e S.E hatete papel estadu nian ba dezemvolvimentu nasional ida mak papel juventude nian ba dezemvolvimentu nasional ne’e rasik.
“Guvernu mak ezekuta politika nasionais ne’ebé tuir konstituisaun hatur iha artigo 103 iha área ekonomia, sosial, edukasaun, ba ita nia rain, no hanesan superior administrasaun publika, ida ne’e maka estadu nia papel, iha kontituisaun mos fo kompetensia ba guvernu iha artigu 105 koalia kona-ba politika publikas ne’e atu dirije iha dezemvolvimentu iha seitor hot-hotu mak ekonomika, social , cultural, edukasaun, bele dezemvolve ita nia rain, enkuantu ba asuntu juventude ne’ebe permanente maka SEJD, ne’ebe liga ba juventude trabalho, juventude desportu, hatudu katak seitor ne’e importante tebes, no oinsa maka guvernu bele dezemvolve ida ne’e,” dehan Abrão Nokosiku.
Governante ne’e akresenta sei servisu hamutuk ho sentru juventude sira atu bele maximiza, no sentru juventude mak sai fatin espasu ba foin sa’e sira hotu iha Timor-leste atu bele espresa sira nia a’an atu nune’e bele deskobre no proteje sira nia a’an hodi kontribui ba nasaun ida ne’e.
“Iha programa seluk maka servisu hamutuk ho parseiru sira atu kria espasu atu nune’e joven sira bele espresa sira nia a’an. Tantu iha nivel suku mos reprezenta feto no mane, parte ida ne’e mos SEJD sei tulun hodi bele desemina informasaun iha suku no lori joven sira atu partisipa iha movimenta no lori juven sira nia partisipasaun rural no lokal hodi bele kria empregu ba a’an rasik,” tenik Sekretáriu Estadu.
#Foin Sae Millenial Forsa Kriativa #Desportu Iha Sosiedadeno Prestasaun
FBdJ//PS//RM
@copyrigth DNICT-SEJD 2020