S.E Abrao Saldanha Hasoru Malu ho Adjunta Reprezentante Rezidente UNDP Nian Iha Timor Leste

By Media DNICT 06 Jeneiru 2021, 13:09:40 TLs JUVENTUDE
S.E Abrao Saldanha Hasoru Malu ho Adjunta Reprezentante Rezidente UNDP Nian Iha Timor Leste

Fotografia : Sekretáriu Estadu Juventude no Desportu, Eng. Abrão Nokosiku Saldanha ho Reprezentante Rezidente UNDP nian iha Timor-Leste, Sra. Lazima Onta-Bhatta, diskute hela kona-ba empregabilidade no emprendedorismu ba joven Timor Leste iha sala reuniaun SEJD, Lecidere Dili. (04/01/2021) . Imajen/DNICT


DILI- Sekretáriu Estadu Juventude no Desportu Eng. Abrão Nokosiku Saldanha hasoru malu ho Adjunta Reprezentante Rezidente UNDP, Lazima Onta-Bhatta hodi koalia kona-ba possibilidade sira ne’ebé iha ba parte rua atu serbisu hamutuk. Sorumutu ne’e hala’o iha loron-4 fulan-Janeiru tinan-2021 iha sala reuniaun SEJD, Lecidere, Dili.

Sekretariu Estadu Juventude no Desportu agradese ba serbisu sira ne’ebé UNDP hala’o ona ba joven sira no haksolok ho preparativu sira ne’ebé mak UNDP iha Timor-Leste halo ona atu fornese tan serbisu ba joven Timor oan sira. Asuntu ne’ebé diskute iha sorumutu ida ne’e mak empregabilidade no emprendedorismu iha joven Timor oan sira nia leet, no oinsa mak parte sira bele serbisu hamutuk atu kria espasu ba joven sira iha area sira ne’e.

UNDP no SEJD sei presiza halo diskusaun detailladu liu tan atu hare oinsa mak bele realiza serbisu hamutuk.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu