S.E Abrao Saldanha Hasoru Malu ho Reprezentante Xefe JICA Nian Iha Timor-Leste

By Media DNICT 29 Desembru 2020, 08:23:19 TLs DESPORTU
S.E Abrao Saldanha Hasoru Malu ho Reprezentante Xefe JICA Nian Iha Timor-Leste

Fotografia : Sekretáriu Estadu Juventude no Desportu, Eng. Abrão Nokosiku Saldanha ho Reprezentante Chefe JICA nian iha Timor-Leste, Sr. GOTO Ko, kaer hela imajen kampo balun iha Cidade Dili wainhira koalia kona-ba programa parseria sira iha sala reuniaun SEJD, Lecidere Dili. (21/12/2020) . Imajen/DNICT


DILI- Sekretáriu Estadu Juventude no Desportu, Abrão Nokosiku Saldanha hasoru malu ho Reprezentante Chefe JICA nian iha Timor-Leste, Sr. GOTO Ko, hodi koalia kona-ba porgrama parseria sira. Sorumutu ida ne’e hala’o iha loron-22 fulan-Dezembru tinan-2020 iha sala reuniaun SEJD, Lecidere, Dili.

Sorumutu ida ne’e hala’o atu koalia kona-ba oinsa mak hanesan parseiru dezenvolvimentu ida, JICA bele kontribui ba implementasaun governu nia programa sira iha area juventude no desportu iha Timor-Leste.

Parte rua mós koalia kona-ba possibilidade sira ba parseria iha futuru no oinsa mak bele hametin liu tan parseria ezistente wainhira krizi COVID-19 liu ona.

Koalia ba jornalista sira hafoin sorumutu ne’e, Sekretariu Estadu Juventude no Desportu hatete katak “potensia ida ne’ebé ami diskuti mak possibilidade ba JICA atu fo apoiu ba realizasaun Festival Nasional Desportu iha tinan-2021.”

“Presiza iha diskusaun tékniku liu tan atu hare oinsa mak materializa posibilidade hirak ne’e,” Sekretariu Estadu subliña.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu