SEJD Sei Harii Unidade Servisu 48 iha Nivel Postu Sira

By Media DNICT 23 Febereiru 2021, 08:16:57 TLs JUVENTUDE
SEJD Sei Harii Unidade Servisu 48 iha Nivel Postu Sira

Fotografia : S.E Eng. Abrão Nokosiku Saldanha foto hamutuk ho komisaun organizadora no estudante hafoin hato’o palestra ba estudante foun tinan akademiku 2021 iha Salaun UNITAL Becora (19/02/2021). Imajen/DNICT


DILI- Sekretáriu Estadu Juventude no Desportu (SEJD) Excellensia Eng. Abrão Nokosiku Saldanha sai orador iha Universidade Oriental Timor Loro Sa’e ( UNITAL). Sekretáriu Estado nia prezensa iha UNITAL ne’e hafoin hetan konvite husi parte universidade nian atu hato’o palestra kona-ba papel SEJD ba estudantes foun Universitaria ne’ebé tuir hela orientasi. Aktividade ne’e realiza iha salaun UNITAL Becora iha loron 19 fevereiru 2021.

“Ohin hasoru jovens hanesan hau nia otas, tamba ida ne’e hanesan oportunidade ida atu fahe ba malu, saida mak guvernu halo no saida mak joven sira sente, hau hakarak lori ita boot sira ba pontus boot rua mak “papel guvernu nian”, “poitikas ka programas sira ne’ebe SEJD iha ba tinan ida ne’e”. dehan Abrão Nokosiku perante estudante foun universitariu liu 600 ne’ebé akompaña palestra ne’e.

Nudar Abrão Saldanha, Politika ne’e iha rua mak politics and policy, estadu mak konduz policy atu bele resolve problema hirak ne’ebé iha. VIII guvernu konstitusional nia lei organika ne’ebé atribui ba sekretária estadu juventude no desportu mak responsabiliza politika ba area juventude no desportu. ”area juventude nia kestaun laos SEJD mesak mak responsavel, maibe kestaun ida ne’e transversal iha fatin hotu-hotu, no desportu ne’e kestaun tekniku”, subliña Abrão Nokosiku.

Governante ne’e esplika mós vizaun rua ne’ebé sustenta programa durante nia mandatu hanesan sekretariu estadu iha ministerio edukasaun juventude no desportu nia okos mak “ foin sa’e milenial forsa kriativa nudar reflesaun ida katak joven ne’e iha potensia bele halo buat balun.” Desportu iha sosiedade no prestasaun katak barak mak pratika iha sosiedade no sai kultura ida iha sosiedade no oinsa lori desportu ba komunidade no aliserse ba alta prestasaun nian.”

Apoiu vizaun ne’ebé refere mak maximize sentru juventude sira atu bele fo espasu ba joven sira atu espresa nia a’an, hatudu sira nia potensia. “Tinan ne’e SEJD sei harii unidade servisu iha nivel postu sira hamutuk 48 Timor laran tomak la inklui sira ne’ebe iha kapital no mos rekruta joven nain rua iha posto, no estimula emprendedorismo sosial ligadu ho dezempregu, inkluindu promove kreatividade joven sira nian atraves festival joven kriadores”.katak Abrão Saldanha.

Sekretáriu Estadu enkoraja estudantes sira atu labele lakon oportunidade, esforsu a’an estuda no aprende nafatin “karik aban bain rua sai husi ne’e bele kria servisu a’an rasik, liuliu ba estudantes foun sira atu explora didiak materia ne’ebe profesores sira fo, hodi nune’e bele kontribui ba Timor-Leste nia dezenvolvimentu, inklui historia susesu no dezemvolve joven sira nia talentu liu husi kreatividade ne’ebe hetan”. konklui sekretáriu Estadu.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu