Sekretariu Estadu Juventude no Desportu Diskute Lei Arte Marsial ho Vice-Ministru Interior no PNTL

By Media DNICT 12 Outobru 2020, 07:54:56 TLs CRAM
Sekretariu Estadu Juventude no Desportu Diskute Lei Arte Marsial ho Vice-Ministru Interior no PNTL

Fotografia : S.E Eng. Abrão Nokosiku Saldanha Diskuti Lei Arte Marsial ho Vice-Ministru Interior no PNTL iha Gabinete Ministeriu Interior, Vila-Verde Dili (09/10/2020). Imajen/DNICT


DILI- Sekretáriu Estadu Juventude no Desportu Eng. Abrão Saldanha hasoru malu ho Vice-Ministru Interior António Armindo iha Gabinete Ministeriu Interior, Vila-Verde Dili (09/10/2020). Sorumutu membru governu nainrua ne’e hodi koalia kona-ba lei arte marsial.

Sekretariu Estadu Juventude no Desportu hatete ba joralista sira hafoin enkontru katak governu “iha hanoin atu halo lei foun balun ba arte marsiais tamba ne’e mak ohin deskute ho ministeriu interior para atu buka dalan hodi akumula lei sira ne’e. Felizmente, PNTL iha ona ekipa ida halo ne’ebé halo estudu ba lei Nu. 5/2017 atu hare nia pontu fraku no ponto forte no dezafiu sira iha implementasaun lei ida ne’e.”

Sekretariu Estadu esplika liu tan katak SEJD mós iha ona ekipa ida atu halo estudu ba lei ne’e, no hare mós ba oinsa mak regulariza arte marsisiais diak liu no hatutan katak parte rua konkorda malu ona no sei iha ekipa konjunta ida atu hare kona-ba lei arte marsisiais no lei foun ba arte marsiais.

“Iha loron-13 fulan-Otubru mai ne’e, PNTL nia ekipa estudu sei aprezenta deskobrimentus ne’ebe mak PNTL iha kona-ba implementasaun lei ida ne’e. Depois ida ne’e, parte ministerium interior ho, PNTL no SEJD sei tur hamutuk fali hodi koalia sobre kalendariu ba konsultasaun ba lei foun,” Sekretariu Estadu Abrão Saldanha konklui.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu