Funsionariu SEJD Partisipa Desiminasaun Lei Medida Prevensaun no Kombate Korupsaun

By Media DNICT 25 Junhu 2021, 10:16:15 TLs JUVENTUDE
Funsionariu SEJD Partisipa Desiminasaun Lei Medida Prevensaun no Kombate Korupsaun

Fotografia : Funsionariu sira iha SEJD partisipa hela desiminasaun llei nu 7/2020, 26 Agosto kona ba medida prevensaun no kombate korupsaun ba implementasaun rejime deklarasaun rendimentus, bens no intereses. Iha sala reuniaun SEJD Lecidrere,Dili (24/06/2021). Imajen/DNICT


DILI- Dirijentes no funsionariu sira iha Sekretáriu Estadu Juventude no Desportu, iha Kinta, loron 24 fulan juñu tinan 2021 ne’e partisipa desiminasaun lei nu 7/2020, 26 Agosto kona ba medida prevensaun no kombate korupsaun ba implementasaun rejime deklarasaun rendimentus, bens no intereses. Workshop loron ida ne’e realiza iha sala reuniaun SEJD Lecidere,Dili.

Exelensia Sekretariu Estadu Eng. Abrão Nokosiku Saldanha elojia ho prezensa Komisariu Komisaun Anti Korupsaun (KAK) Dr. Sergio Hornai ho nia ekipa ne’ebé partilla ona informasaun kona-ba medidas sira prevensaun no kombate korupsaun ba funsionariu SEJD sira atu bele hatene klean liu tan ,nune’e iha futuru labele komete eru’u.

Governante ne’e hateten luta ba lei ne’e foin mak bele implementa hafoin tinan sanulu restaura Independensia, nune’e implika ba politikus no jestores barak mak ba para iha kadeia, “ karik lei ne’e mak fo sai antes ita bele prevene ema barak ba risku, tamba lei ne’e seidauk iha balun halo julgamentu ba servidor sira, ne’e diskriminativu tebes no la justu “ dehan Abrão Nokosiku.

Durante ne’e implementasaun programa iha SEJD barak liu mak involve parseiru sira nune’e parte SEJD mos sujere ba KAK atu bele desimina mós lei ne’e ba parseiru no benefisiariu sira atu bele intende mós ba regras sira ne’ebé hatu’ur ona iha lei refere.

Entretantu, Komissariu Komisaun Anti Korupsaun (KAK) Dr. Sergio Hornai hatete hanesan orgaun kontrolu ba autoridade kompetente ida ne’ebé masimu responsabiliza halo nafatin servisu ho nia parseria hamutuk ho instituisaun sira konkretamentu ho Sekretariu estadu juventude no desportu hamutuk ho nia dirigentes sira tomak oinsa mak ita halo komprimentu sira ba iha legalidade ida ne’e nian.

“Objetivu seluk mak ho deklarasaun ida ne’e hametin liu tan integridade iha ita nia administrasaun publika no estadu ninian liu-liu ba gestor sira ka dirigentes sira ne’ebé responsavel ba administarasaun publika ninia no kuidadu liu tan ho purdente no halo medidas sira ne’ebe rigor maibe halo nafatin konformidade ba iha lei,” tenik Dr. Sergio Hornai

Komisariu KAK ne’e akresenta rejime deklarasaun ida ne’e sei sujeita ba iha dirigentes sira, iha medio ninian, hahu husi director geral , xefe gabinete sira no mos asesores sira husi nasional ka internasional sira ne’ebé mak hamutuk ho ita nia excellensia ministru sira ka sekretariu estadu sira iha nia gabinete sira sei presta sira nia deklarasaun, inklui funsionariu sira ne’ebe servisu iha aprovizionamentu ba kontratasaun ninian.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021




Hakerek Komentariu Iha Facebook

Hakerek Komentariu Iha Account Facebook

Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu