- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
KRAM Halo Dialogo Nakloke ho Komunidade no Joventude iha Suco Ailok
Fotografia : Presidente CRAM foto hamutuk ho entidade sira iha Suku Ailok. Imajen/DNICT
Díli,05 agu 2020 (SEJD) - Komisaun Reguladora Arte Marsiais (KRAM) sosializa Rezolusaun no 4/2020 iha Suku Ailok, Postu Administrativo Kristu Rei, Munisipiu Dili.
Objetivu realizasaun programa ne’e hodi hatan pedido husi Komandante Eskuadra Cristo Rei ba parte CRAM, CNJTL ho Siguransa PNTL nian hodi fahe informasaun ba foin-sa’e sira tuir papel instituisaun ida-idak nian relasiona ho aktu joven balun ne’ebé uza fali organizasaun arte marsiais hodi buka asalta malu no krime sempre sae hela deit iha área Posto Administrativu Cristo Rei.
Diálogu ho motto “ Halo buat ne’ebé diak laos fasil maibe tenki halao bebeik” realiza tiha ona iha loron 29 fulan jullu 2020 iha Suku Hera no sei remata iha loron 16 fulan setembru 2020 iha Suku Becora.
Sosializasaun ne’e nudar kontinuasaun programa KRAM nian hodi disemina informasaun kona-ba rezolusaun Guverno no 4/2020 , marsu ne’ebé revoga tiha ona rezolusaun guvernu no 16/2013, 10 jullu kona-ba bandu grupu arte-marsiál hanesan PSHT, KORK & KERA SAKTI.
Rezolusaun Guverno no 4/2020 ne’e fo dalan atu re-atualiza organizasaun arte marsiais sira. Diploma legál ne'e rasik instrui mós Polisia Nasionál Timor-Leste (PNTL) atu intensifika asaun kombate krime kona-ba prátika ilísitu husi arte-marsiál no rituál sira.
Antes ne'e, iha kampaiña eleisaun antesipada partidu polítiku sira halo promesa ba grupu arte-marsiál sira hodi re-ativa hikas, inklui Prezidente Repúblika Francisco Guterres Lú Olo no Xefe Estadu Maiór Jenerál F-FDTL, Majór Jenerál Lere Anan Timur.
Marka prezensa iha diálogu nakloke ho komunidade no Juventude mak hanesan Presidente CRAM Octavio da Conceição, seksaun investigasaun Kriminal PNTL Munisipiu Dili Inspektur Xefe Mariano Soares, Vice-Presidente CNJTL Clotilde Teresa.S.G, Komandante Eskuadra Cristo Rei Inspektur Polisia Gaspar Ximenes, autoridade lokal, juventude no mos komunidade sira ne’ebe pertense ba iha Suku Ailok.
#Foin Sae Millenial Forsa Kriativa #Desportu Iha Sosiedadeno Prestasaun
FBdJ//PS//RM
@copyrigth DNICT-SEJD 2020