DILI- Sekretáriu Estadu Juventude no Desportu (SEJD) asina akordu servisu hamutuk (ASH) ho parseiru organizasaun juventude no sentru juventude iha munisipiu no RAEOA. Asina akordu ne’ebé halao iha salaun Magna SEJD Sexta ne'e (21/02) atu parseiru sira implementa programa iha fulan fevereiru nian. Dotasaun orsamentu temporariu (DOT) ne’ebé propoin ba implementasaun programa hamutuk $ 52.559.50

Secretáriu Estado Juventude no Desportu Nelyo Isaac Sarmento agradese ba parseiru sira no enkoraja nafatin sentru juventude sira atu kontinua fo formasaun ba foinsa’e sira iha area edukasaun sivika atraves programa LSBE

Entretantu Diretor Nasional Associativismo Juventude Marcos da Costa, hateten parseiru sira SEJD nian hamutuk sentru Juventude 13 no organizasaun juventude 5 mak asina akordu hamutuk ne’e hodi implementa programa tuir orsamentu DOT ne’ebé aloka ba kada sentru juventude no organizasaun juventude sira ne’ebé parseiria ho SEJD.

@COPYRIGHT2020#MEDIAGAB-DNICTSEJD#