- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Sekretariu Estadu Juventude no Desportu sesante entrega servisu ba Sekretariu Estadu foun
Fotografia : Foto hamutuk Sekretariu Estadu atual no sesante SEJD ho kargu xefia no funsionariu SEJD hafoin seremonia handover
DILI: Sekretáriu Estadu Juventude no Desportu atual Abrão Saldanha simu ona termu de entrega husi Sekretariu Estadu Juventude sesante , Nélio Isaac Sarmento. Seremonia (Handover) entrega pasta ba Sekretáriu Estadu foun ne’ebé halao iha Salaun enkontro SEJD loron 25 Juñu ne’e hetan partispasun maximu, Diretores Geral Servisu koorporativus no Diretor Geral Juventude no Desportu , kargu Xefia nomos funsionariu sira iha SEJD.
Iha intervensaun dahuluk Sekretátariu Estadu Juventude no Desportu foun Abrão Saldanha hateten sei kontinua hatutan saida maka iha ona no hadia , hari servisu saida mak nesesidade atu halo ba servisu ba area juventude no desportu.
“ Ohin pasta bo’ot ne’ebe entrega ona mai hau no hatutan saida maka iha dadaun ona no hadia saida maka ohin sekretaria estadu sesante koalia hela mai hau, ba ida ne’e presiza hadia, no mos rekomedasoes ne’ebe mak sei hadia, no mos hatur hari servisu saida mak ita hanoin liu-liu ba nesesidade ne’ebé ita halo ona servisu iha area juventude no desportu tuir opiniaun sira husi hanoin ne’ebé mai husi tekniku sira no mos opiniaun ne’ebé hau rasik iha ba area rua ne’e” hateten Abrão Saldanha.
Nudar SE Abrão servisu ne’ebé sei halao iha mandatu tinan rua ba oin ne’e mak tulun foinsa’e sira hodi hatudu sira nia kapasidade no forsa nodar joven iha sosiedade, inklui reintegra organizasaun arte marsial sira nia enkuadramentu iha sistema desportu nasional.
Entertantu, Sekretáriu Estadu Juventu no Desportu Sesante Nelio Isaac Sarmento hateten kontente servisu ho Timor oan sira ne’ebé kualifikadu no husu ba funsionariu sira atu apoiu. Nudar Nélio Isaac instrituisaun SEJD importante tebes, atu kontribui ba ita nia sosiedade oinsa transforma mentalidade joven sira nian hodi haforte nasaun ne’e.
“Fo hanoin ba funsionariu sira katak ida ne’e mak ita nia sekretáriu estadu foun mak ne’e, mai apoiu sekretáriu estadu foun ne’e ho didiak no nia ekipa tomak atu hodi tulun SEJD bele hetan resultadu iha mandatu tomak ne’ebé sekretáriu estadu foun assume”, hateten Nélio Isaac.
SE Abrão Saldanha simu pose husi Prezidente Repúblika Fransisco Guterres Lú Olo nudar membru guvernu foun iha kuarta (24/06), iha Palasiu Prezidensiál Bairo-Pité Dili.
Hakerek husi: Frederico Branco de Jesus
Editór : Robert Mendonça
@COPYRIGHT2020# DNICT-SEJD#