DILI- Sekretáriu Estado Juventude no Desportu (SEJD) Abrão Saldanha halo sorumutu ho komisariu sira iha Komisaun Nasional Desportu (KND) hodi rona programa no plano atividade ne’ebé komisaun ba desportu ne’e halo hodi fiskaliza no apoiu pareser ba estadu atraves SEJD iha area desportu nian iha tinan rua oin mai.

Sekretáriu Estadu Abrão Saldanha ne’ebé hanesan mos Presidente ba Komisaun Nasional Desportu hateten ne’e nudar reuniaun dahuluk ho komisaun sira hafoin simu pose nudar Sekretáriu Estadu.

“Komisaun Nasional Desportu mak orgaun ida ne’ebe tau matan ba desportu , fiskaliza no fo pareser ba apoiu sekretariu estadu iha nivel SEJD iha area desportu ne’ebe ohin hau reativa fali no halo reuniaun iha komisaun CND nian rasik. CND iha papel boot tebes atu regulariza, fiskaliza ba organizasoes desportivas sira, entaun saida maka atu husu ba CND maka apoiu para oinsa bele iha supervizaun ba fiskaliza ba organizasoes desportivas para bele lao tuir lei baze desportivu no leis utilidades desportivas publika nian ne’ebe relevante”, dehan Abrão Saldanha iha salaun enkontro SEJD Tersa (30/06).

Enkuantu komisariu Mateus Da Cruz hateten iha reuniaun ne’e koalia kona-ba objetivu desportu nian ba tinan rua nia laran depois guvernu foun ne’ebe mai husi sekretáriu estadu foun fo fali orientasaun mai iha komisarius sira para bele halo enkontru hodi prepara planu ba tinan ida ne’e nia laran no tinan rua oin mai.

Reuniaun ne’e partisipa mos husi Diretor jeral korporativus SEJD, Diretor jeral Juventude no Desportu , no diretor Desportu SEJD.

Hakerek husi: Frederico Branco de Jesus

Editór : Robert Mendonça

@COPYRIGHT2020# DNICT-SEJD#

Video Ligasaun: