COVALIMA- Centru Juventude Covalima, hala’o atividade marsa saudavel hanesan parte husi selebrasaun Loron Nasional Juventude no komemorasaun Masakre 12 Novembru tinan ida ne’e. Atividade marsa saudavel ne’e hala’o iha loron-4 fulan-Novembru tinan-2020.

Marsa saudavel ne’e partisipa husi estudantes sira husi eskola bázika no eskola sekundaria sira iha Suai no organizasaun juventude sira. Estudante husi EBC EBC Ladi, ESGP de Suai, ESCAM, ESTV Cristal, EBC Sandalo no Escola CAFE hamutuk ho joven sira husi organizasaun APFTL, PFN, FHC, no CJMC. Marka mós prezensa iha atividade ida ne’e professor sira, pontu vokal SEJD Municipio no PNTL tranzito municipio.

Marsa saudavel ida ne’e hahu husi Centru Juventude Covalima ba dministrasaun munisipiu liu husi merkadu-tabaco lot-mata air-aidila laran-escola CAFÉ no fila fali mai para iha Centru Juventude Covalima.

Ema nain 200 resin mak partisipa iha eventu marsa saudavel ida ne’e.

Atu komemora loron Masakre Santa Cruz no Selebra Loron Nasional Juventude tinan-2020, Centru Juventude Covalima hala’o atividade lubuk ida hanesan Marsa saudavel, kompetisaun certame, kompetisaun diskursu públiku, kompetisaun puizia, jogus halai taru karong, berlindus, seminariu, serbisu sosial, kalan reflesaun, misa no aprezentasaun kultural.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020