Dili- Sorumutuk Sekretáriu Estadu nian ho diretores, xefe departementu, no funsionariu públiku sira iha kada dirasaun nomos orgaun sira ne’ebé tutela ba SEJD nian ba loron datoluk kinta ne’e (02/07) halao ho Diresaun Nasional Administrasaun no Finansa (DNAF). Iha sorumutuk ne’e Sekretáriu Estado Juventude no Desportu (SEJD) Abrão Saldanha alende rona programa ne’ebé duranre ne’e DNAF halo, husu mos ba rekursu umanu iha fleksibilidade ba promosaun grau tuir prosesu ne’ebé estabele ona.

Diretora DNAF Maria Luisa Monteiro hateten iha inkontru ho Sekretáriu Estado Juventude no Desportu (SEJD) Abrão Saldanha ne’e hare liu kona-ba servisu ne’ebé diresaun nasional administrsaun financa durante ne’e halo liu-liu 2018-2019.

“ Ohin hanesan tempu diak ida para sekretariu estadu atu rona besik liu tan, saida maka durante ne’e diresaun nasional administrsaun financa halo apartir tinan 2018-2019 ne’e, mais agora dadaun 2020 ne’e hakarak hare besik liu tan, oinsa servisu administrasaun liga ba rekusus umano, liga ba financas, liga aprovizionamento, no mos liga ba logistika nian. Tamba DNAF iha kompleksidade boot tebes hodi apoiu servisu opersaional husi sekretária estado tun to’o diresaun sira hotu” dehan Maria Luisa.

Dirijente teknika Administrasaun no Finansa ne’e hatutan SEJD sei servisu hamutuk ho Komisaun Funsaun Públika (sigla Portugés: CFP) hodi hare progresaun grau funsionariu sira nian tuir regras ne’ebé estabelese ona iha komisaun nomos orsamentu tuir pakote.

“ Ita halo tuir deit ba regras sira ne’ebé mak iha ona, prosesu ne’e kontinua nafatin, no mos sei liga ba orsamento, tamba ita hare katak pakote ne’ebé mak ita fo no kada tinan salario ema fo ho pakote kedas, maibe ida ne’e la taka dalan ba ita atu esforsu nafatin, no servisu nafatin ho parte komisaun funsaun publika atu hare liu ba saida deit mak sekretariu estadu temi” dehan diretora.

Enkuantu, Xefe Departamentu Administrasaun Rekursu Umano Florindo Napoleão Dos Santos hateten Sekretáriu Estadu autoriza duni ba rekursus umano para flexibilidade.

"Uluk ita laos koalia sira ladiak mais rekursu umano nia servisu ne’e dala ruma la fo oportunidade diak, mais sekretariu estadu foun ne’e nia hanoin kapas teb-tebes bele fo ona livremente ba rekursu umano para rekursu umano bele livre kria prosesu kona-ba selesaun pormerito, depois mos halo destetuisaun premio ba funsionaiu sira, tamba kriteria iha hotu ona, durante ita la aplika, tamba funsionariu balun mos ladun ativu, la tuir asesuidade ba servisus entaun ida ne’e mak rekursu umano kansela tiha, husi 2017-2020 sei kansela baseia ba performanese servisu geralmente” dehan Florindo Napoleão.

Hakerek husi: Frederico Branco de Jesus

Editór : Robert Mendonça

@COPYRIGHT2020# DNICT-SEJD#

Video Ligasaun: