Impasse Politika, la impede Timor-Leste realiza jogos CPLP

By Admin 05 Febereiru 2020, 15:13:20 TLs DESPORTU
Impasse Politika, la impede Timor-Leste realiza jogos CPLP

Sekretariu Estdau Juventude no Desportu (SEJD), Nelyo Isaac Sarmento foto hamutuk ho Komisaun Teknika Akompanamentu (CTA) ba realizasaun jogos CPLP ba dala XII ne’ebe Timor-Leste mak sai uma nain


DILI – Sekretariu Estdau Juventude no Desportu (SEJD), Nelyo Isaac Sarmento deklara ba Komisaun Teknika Akompanamentu (CTA) CPLP katak maski Timor-Leste dadauk ne’e hasoru impasse politika, maibe nia dehan estadu Timor-Leste garante ba realizasaun jogos CPLP ba dala XII ne’ebe Timor-Leste mak sai uma nain.

“Hau esplika kona-ba ita nia situasaun, ita nia impase mos ba sira para entende, mais la influensia signifika katak ita labele realiza. Ita pronto ona para atu realiza, kestoens de impase ne’e kestaun seluk ida, ne’e depende ba governu ka estadu ida ne’e mak tenke fo resposta. Maibe como ita hanesan estadu membros ne’ebe ita nia kompremisu ne’e klaru teb-tebes katak tinan ida ne’e ita sai uma nian, mesmo governu ida troka no governu ida mai fali kontinua nafatin atu aselera realizasaun jogos desportiva ne’e rasik,” dehan sekretariu estadu ba jornalista sira hafoin inkontru ho delegasaun CTA-CPLP, Tersa (28/01/2020), iha Salaun Inkontru SEJD, Lecidere, Dili.

Delegasaun CTA-CPLP ne’ebe lidera hosi Gerson Mello hosi Cabo Verde informa katak intermu preparasaun Timor-Leste preparadu ona realiza jogos CPLP ba dala XII ne’ebe sei halao iha Jullu 2020.

“Timor-Leste preparadu ona intermus preparasaun, maski iha infraestrura lao hela, maibe garante ona katak bele hotu iha Abril,” dehan Gerson Mello.

Koordenador CTA-CPLP mos hato’o ba sekretariu estadu katak parte CTA sei fo apoiu teknika balun ba komisaun organizadora Jogos CPLP 2020 durante eventu realiza.

Iha jogos CPLP 2020 Timor-Leste, modalidade 8 ne’ebe lori ba kompete maka Atletismu, Futebol, Karate, Taekwondo, Xadres, Volley Praia, Basketbol (3 x 3) no tenis kampu.

Delegasaun CTA-CPLP ne’ebe halo vizita ba Timor-Leste ne’e maka Gerson Mello hosi Cabo Verde, Debora Carla (Brasil), Antonio Hora Filho (Brasil), Bobson Agular (Brasil), Euridiney de Assunção Pinto no Carlos Neves hosi São Tome e Príncipe.

Hakerek hosi: Frederico de Jesus

Editor: Evangelisto Santos Meilana

COPYRIGHT@2020#MEDIAGABSEJD#




Video Ligasaun:


Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu