- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Joven Sira Husi PAJ Hahu Halao Limpeza Iha Ponte Maufelu, Becora

Fotografia : Joven voluntariu sira iha Posko Asaun Juventude (PAJ) hahu halo limpeza iha Ponte Maufelu Becora husi tuku 08:00 to’o 12:00 kalan oras Timor Leste nian hafoin estabelese iha SEJD Lecidere Dili (06/04/2021). Imajen/DNICT
DILI- Juventude volutariu sira ne’ebé halibur-an iha Posku Asaun Juventude (PAJ) ne’ebé harii husi Sekretaría Estadu Juventude no Desportu (SEJD) ba situasaun hafoin kalamidade klimátika iha Dili laran, hahu hala’o serbisi limpeza iha ponte Maufelu, Becora.
Serbisu limpeza ida ne’e hala’o iha Tersa kalan, loron-6 fulan-Abril tinan-2021 no partisipa husi voluntariu juventude hamutuk ema nain 80 liu. Voluntariu hirak ne’e mai husi parseiru sira SEJD nian, juventude sira husi bairu Becora, iha area ponte Maufelu nian, no mós membru balu husi Polisia Nasional Timor-Leste (PNTL).
Membru PNTL sira alem de fo siguransa iha area refere, sira mós fo tulun hodi hala’o limpeza hamutuk ho joven voluntariu sira ne’e. Voluntariu sira hala’o serbisu limpeza ne’e hahu husi tuku ualu kalan to’o tuku 12:00 kalan HTL.
SEJD nia parseiru sira ne’ebé hola parte iha PAJ no hala'o serbisu voluntariu sira ne'e mak: Joven Hadomi Natureza (JHN), Asosiasaun Parlamentu Foin-Sa’e Timor-Leste (APFTL), Uniaun Nasional Eskuteirus Timor-Leste (UNETL), Konsellu Nasional Juventude Timor-Leste (CNJTL), Cruz Vermella Timor-Leste (CVTL), Asosiasaun Defisiensia Timor-Leste (ADTL), Estudante Hadomi Natureza UNTL (ESHANA-UNTL) Comoro Child and Youth Center (CCYC) Aliansa Nasional Kontrolu Tabaku (ANCT), Centru Juventude Becora no mós Ekipa Juventude no Estudante Apoio Umanitarian (EJEAU).
Posku Asaun Juventude koordena husi Diretor Jeral Juventude no Desportu, Sr. David Tomas de Deus ho vice-koordenador Sr. Zaulino Gomes da Silva husi APFTL no Sr. Cesario da Silva husi ADTL.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2021
