KRAM Reuniaun ho Sekretariu Estadu

By Admin 02 Julhu 2020, 11:09:10 TLs CRAM
KRAM Reuniaun ho Sekretariu Estadu

Fotografia : SE-SEJD rona hela programa KRAM nian iha sorumutu ho komisariu KRAM iha salaun enkontro SEJD


DILI- Sekretáriu Estado Juventude no Desportu (SEJD) Abrão Saldanha halo audensia ho diretores, xefe departementu, funsionariu no ajente administrasaun públiku sira iha kada dirasaun nomos orgaun sira ne’ebé tutela ba SEJD. Iha inkontro dahuluk hahu ho dirasaun nasional informasaun,komunikasaun no teknolojia (DNICT) no Komisaun Nasional ba Desportu (KND). Iha loron daruak SE kontinua marka audiensia ho Komisaun Reguladora Arte Marsial (KRAM). Objetivu sorumutu ne’e mak SE hakarak rona direitamente atividade ka programa ne’ebé maka kada diresaun no orgaun sira iha SEJD halo ona iha tinan 2018/2019 no plano programa ba tinan rua oin mai tuir visaun Sekretáriu Estado nian tulun joven sira nudar foinsa'e milenial,forsa kriativa, desportu iha sosiedade no prestasaun.

Ba Media SEJD, Presidente Komisaun Reguladora Arte Marsiais (KRAM) Octavio da Conceição hateten inkontru ne’e atu fo sai hanoin hamutuk kona-ba planu atividade sira ne’ebé KRAM halo inklui prepara planu hodi aprezenta ba Sekretáriu Estadu foun.

“KRAM reuniaun ho Sekretáriu Estadu Juvetude no Desportu ne’e hanesan reuniaun trabalho husi KRAM atu deskute no aprezenta servisus no planu atividade, planu orsamentu ne’ebe ohin kram hato’o ba sekretariu estadu no aprezenta mos relatoriu ba servisus ne’ebe maka KRAM halo ona iha tinan kotuk 2018-2019 hato’o ba sekretariu estadu no aumesmo tempu atu rona orientasaun servisu husi sekretariu estadu kona-ba prosesu no implementasaun ba reslusaun no 4/2020 nian kona-ba arte marsiais sira nian ne’ebe iha kedas resolusaun ne’e nia laran” hateten Presidente KRAM Octavio da Conceição iha sala reuniaun SEJD kuarta (01/07).

Enkuantu, Sekretáriu Estadu Juventude no Desportu Abrão Saldanha iha nia intervensaun foka ba pontu rua mak importante Oinsa maka re-integra arte marsiais sira ba sosiedade ne’ebé liu husi orientasaun ba modalidade desportiva nian, no Oinsa atu ema sira ne’ebé imvolve iha arte marsiais sira bele partisipa ba prosesu dezemvolvimento nasional.

 

Hakerek : Frederico Branco de Jesus

Editór : Robert Mendonça

@COPYRIGHT2020#DNIC-SEJD#




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu