ONG Ba Futuro Hasoru Malu ho Sekretariu Estadu Juventude no Desportu

By Admin 09 Agostu 2020, 11:03:04 TLs JUVENTUDE
ONG Ba Futuro Hasoru Malu ho Sekretariu Estadu Juventude no Desportu

S.E Eng Abrão Nokosiku Saldanha no Juliana “Lica” Marçal entrega dokumentu ba malu hafoin sorumutu. Imajen/DNICT


Diretora Organizasaun Naun-Governamental (ONG) Ba Futuro, Jualiana “Lica” Marçal hasoru malu ho Sekretariu Estadu Juventude no Desportu (SEJD) S.E. Eng Abrão Nokosiku Saldanha iha sala reuniaun SEJD nian iha loron-30 fulan-Jullu tinan-2020.

Durante sorumutu, Lica Marçal esplika kona-ba Ba Futuro nia programa no atividade sira, liuliu hala’o esplikasaun kona-ba programa no atividade sira ne’ebé Ba Futuro hala’o ho joven sira iha area lideransa, produsaun filme, rezolusaun ba konflitu, confidence building, asaun ba mudansa, oinsa uza mídia sosial ho diak, hakbiit ekonomia ba joven sira no programa kona-ba saúde reprodutivu.

Sekretariu Estadu Abrão Saldanha agradese Ba Futuru ba programa no atividade ne’ebé sira hala’o ona no sei kontinua hala’o, liuliu programa sira ne’ebé liga ho joven sira ne’ebé moris iha risku nia laran no hadook sira ne’ebé ameasadu atu monu ba risku.

Sekretariu Estadu esplika katak ninia vizaun ba juventude iha mandatu ida ne’e mak “FOIN-SA’E MILLENIAL, FORSA KRIATIVA,” atu fasilita joven sira hatudu sira nia forsa hanesan kriador no fo solusaun ba problema sosial sira. Sekretariu Estadu mós esplika katak prioridade ida husi vizaun ne’e mak atu lori ba públiku istoria susesu joven sira nian. Sekretariu Estadu expressa ninia dezeizu atu ba oin, Ba Futuro ho SEJD koalia liu tan kona-ba programa sira ne’ebé mak instituisaun rua ne’e bele kolabora ba joven sira nia diak

.
#FoinSaeMillenialForsaKriativa
#DesportuIhaSosiedadenoPrestasaun


@copyright DNICT-SEJD 2020

 




Hare Komentariu Hotu-Hotu

Hakerek Komentariu