PERMATIL Relata Servisu Konservasaun Bee no Meiu Ambiente ho Joven Sira ba SEJD

By Media DNICT 27 Agostu 2020, 15:39:24 TLs JUVENTUDE
PERMATIL Relata Servisu Konservasaun Bee no Meiu Ambiente ho Joven Sira ba SEJD

Sekretariu Estadu Juventude no Desportu, Eng. Abrão Nokosiku Saldanha ho Diretor PERMATL Ego Lemos. Imajen //DNICT


DILI- Sekretáriu Estadu Juventude no Desportu, Sua Excellensia Eng. Abrão Saldanha hasoru malu ho organizasaun PERMATIL atu rona kona-ba serbisu sira ne’ebé PERMATIL hala’o ona no sei kontinua hala’o ba konservasaun bee no protesaun meiu ambiente ho joven sira.

Sekretáriu Estadu Abrão Saldanha agradese PERMATIL nia serbisu sira durante ne’e ba konserva bee no meiu abiente, liuliu serbisu hirak ne’ebé involve joven sira. SEJD sei kontinua fo apoiu téknika ba PERMATIL atu fo formasaun no enkoraja joven sira ba promove sira nia kriatividade no partisipasaun iha atividade produvitu sira. Liuliu, SEJD hakarak atu PERMATIL kontinua fo formasaun ba joven sira iha area peskas, ortikultura, akuakultura no pekuaria.

Diretor PERMATIL, Ego Lemos hatete nia ho ninia delegasaun mai hasoru malu ho Sekretariu Estadu atu relata kona-ba serbisu sira ne’ebé PERMATIL hala’o ona ho joven sira.

Ego Lemos esplika “programa pekuaria, ortikultura, no atividade produtivu sira seluk ne’ebe mak PERMATIL hala’o ho joven sira durante ne’e bele ajuda sira kumpriende importansia husi atividade hirak ne’e no utiliza para bele kria kampu traballo sira nia an rasik.” Ida ne’e importante tebtebes tamba Timor-Leste nia populasaun joven mak númiru boot liu nune’e presiza fo duni prioridade ba joven sira.

“Maibé, atu atividade sira ne’e bele la’o ho diak, presiza iha konservasaun ba bee, no ida ne’e PERMATIL sei kontinua hala’o ho joven sira,” salienta Ego Lemos iha reuniaun ida ho Sekretáriu Estadu (25/08)  iha sala reuniaun SEJD, Lecidere, Dili.

Dadaun ne’e, PERMATIL hala’o hela serbisu koservasaun bee iha munisipiu; Baucau, Manatutu, Aileu, Ainaru, Manufahi, Ermera, Liquisa no Bobonaru. Ho SEJD nia apoiu sei lori serbisu sira ne’e ba to’o iha munisipiu sira hotu.

#FoinSaeMillennialForsaKriativa #DesportuIhaSosiedadenoPrestasaun

@copyrigth DNICT-SEJD 2020




Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu