- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
S.E Abrao Nokosiku Saldanha Loke Certame Nasional Ba Ensino Sekudariu iha Dili
Fotografia : Sekretáriu Estadu Juventude no Desportu Eng. Abrão Nokosiku Saldanha akompanha husi Diretor Jeral Juventude no Desportu foto hamutuk ho komisaun no partisipantes hafoin halo abertura ba atividade certame nasional ba eskola secundaria sira iha sala Ian Martin/ Infordepe, Balide Dili (06/11/2020). Imajen/DNICT
DILI- Sekretáriu Estadu Juventude no Desportu Eng. Abrão Nokosiku Saldanha halo abertura ba atividade certame nasional ba eskola secundaria sira iha Díli. Certame ne’e hala’o iha sala Ian Martin/ Infordepe, Balide Dili, Sexta loron-6 fulan-Novembru tinan-2020.
Iha ninia diskursu abertura, Sekretáriu Estadu Juventude no Desportu hatete nia haksolok asisti certame nasional ne’ebé komisaun organizadora hala’o hodi komemora Masakre 12 Novembro ba dala 29 no loron nasional juventude Tinan-2020. Sektariu Estadu husu hamoris nafatin valores luta juventude sira tempu rezistensia nian iha joven sira ohin loron nia leet “nune’e ita sente orgullu nu’dar joven Timor oan.”
Sekretariu Estadu Abrão Nokosiku Saldanha mós apela ba partisipante sira atu aproveita atividade ida ne’e ho diak hodi kadi sira nia kakutak no husu mós ba profesor sira atu explora dalan no posibilidade sira hotu atu halo estudante sira iha gostu ba certame.
Kompetisaun certame ne’e hala’o durante loron rua nia laran, loron-6 no loron-7 fulan Novembru iha salaun INFORDEPE, Balide Dili. Kompetisaun Certame ne’e hala’o hanesan parte husi komemorasaun loron Masakre Santa Cruz tinan-1991 no selebrasaun loron nasional Juventude tinan ida ne’e. Materia ba kompetisaun certame tina ida ne’e mak Historia Timor-Leste no Konstituisaun.
Komisaun organizadora ba selebrasaun tinan-2020 mak APFTL UNE-TL, Centru Juventude Comoro, Centru Juventude Becora, Cruz Vermelha Timor-Leste, Centru Juventude sira iha munisipiu 12 Forum Foin Sa’e Timor-Leste.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2020