SEJD Halao Audiensia ho Komisaun G Parlamentu Nasional ba OJE 2021

By Media DNICT 10 Novembru 2020, 13:04:54 TLs DESPORTU
SEJD Halao Audiensia ho Komisaun G Parlamentu Nasional ba OJE 2021

Fotografia : S.E Eng. Abrão Nokosiku Saldanha ho dirijentes sira iha SEJD halo audiensia ho Komisaun G Parlamentu Nasional kona-ba proposta Orsamentu Jeral Estadu SEJD nian ba tinan-2021 iha salaun GMPTL (09/11/2020). Imajen/SPNN


DILI- Sekretáriu Estadu Juventude no Desportu Eng. Abrão Nokosiku Saldanha hala’o audiensia públika ho komisaun G kona-ba proposta Orsamentu Jeral Estadu SEJD nian ba tinan-2021. Audiensia públika ne’e lidera husi Prezidente Komisaun G, deputadu Antonio Verdial ho partisipasaun husi membru komisaun G sira hotu no dirijente máximu sira SEJD nian.

Iha audiensia, Sekretariu Estadu esplika katak ba orsamentu jeral tinan-2021, SEJD propoin orsamentu total $ 9,496,211.00. Husi total ida ne’e, alokasaun ba salariu no vensimentu: $ 584,196.00, Bens no Servisus $ 1,906,137.00 no kapital menor $ 25,500.00. Kategoria tolu ne’e hamutuk, ne’ebé mak gasta ba mákina estadu iha SEJD, iha 26% enkuantu 74% liu husi total orsamentu SEJD nian aloka ba programa.

Orsamentu ba programa ne’e fahe ba area juventude mak atu estimula no promosaun kreatividade no talentu joven sira nian, formasaun ba joven sira, apoiu ba inisiativa joven sira nian. Iha area desportu, orsamentu ida ne’e sei hahu virajen foun, hodi investe boot liu iha desportu iha baze liu husi atividade desportu eskolar, desportu komunitaria no festival nasional desportu ne’ebé mak ho intensaun atu haboot no hametin desportu iha baze hodi kontribui ba selesiona atleta sira ne’ebé diak atu ajuda hadiak Timor-Leste nia prestasaun desportivu. Entretantu sei kokntinua mós liga desportivu sira iha modalidade oinoin.

Audiensia públika ne’e hala’o iha salaun GMPTL, iha loron-9 fulan-Novembru tinan-2020.

 

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu