SEJD ho APFTL Realiza Doasaun Ran Hodi Selebra Loron Mundial Juventude

By Media DNICT 12 Agostu 2020, 13:57:48 TLs JUVENTUDE
SEJD ho APFTL Realiza Doasaun Ran Hodi Selebra Loron Mundial Juventude

Fotografia : Diretór Jeral Servisu Korporativus SEJD,João dos Santos. Imajen//DNICT


DILI- Diretór Jeral Servisu Korporativus SEJD nian,  João dos Santos reprezenta Sekertaría Estadu Juventude no Desportu (SEJD) loke aktividade doasaun ran ne’ebé hala’o iha resintu SEJD, Lecidere loron-10 fulan-Agostu tinan-2020.

Atividade ida ne’e parte husi selebrasaun loron mundial juventude tinan-2020 ne’ebé mak hala’o ho tema “Juventude ba Asaun Global.” Atividade tomak selebraun loron mundial juventude tinan ida ne’e organiza husi Asosiasaun Parlamentu Foin-sa’e Timor-Leste (APFTL).

Iha intervensaun, DJ. João dos Santos hatete SEJD apresia APFTL ne’ebé kordena realizasaun atividade importante ida ne’e. Agradese mós ba voluntariu sira ne’ebé mak hola parte iha atividade ida ne’e tamba ran turuk ida ne’ebé ita fo iha ne’e sei bele salva ita nia maluk seluk nia vida.

Entertantu, Presidente Executivu APFTL  Zaulino Gomes da Silva hatete  tinan ida ne’e APFTL hetan fiar husi Sekretariu Estadu Juventude no Desportu hodi toma responsabilidade ba aktividade selebrasaun loron mundial juventude ne’ebe  monu iha dia 12 agustu. 

Atividade doasaun ran ne’e ida husi atividade 5 ne’ebé mak APTFL ho SEJD konkorda atu hala’o hodi selebra loron mundial juventude tinan ida ne’e. Atividade sira seluk mak; limpeza jeral iha Dili no kuda aiparapa iha Metinaro, kolokiu juventude no marsa saudavel.


#FoinSaeMillenialForsaKriativa #DesportuIhaSosiedadenoPrestasaun 
EJMG//FBdJ//Joqi//RM @copyrigth DNICT-SEJD 2020
 




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu