DILI - Sekretáriu Estadu Juventude no Desportu, Eng. Abrão Saldanha halo abertura ba kompetisaun tenis meza no atletismu. Kompetisaun ne’ebe organiza husi komite Paralympiku Nasional Timor-Leste, hala’o iha eskuadra PNTL munisipiu Dili no iha Estadion Munisipal Dili, sabado 29 Agostu 2020.

Sekretáriu Estadu Abrão Saldanha agradese Komite Paralympiku Nasional ba organiza eventu ida ne’e hodi festeiza loron Referendum 30 Agostu.

“Ita prova ona katak ita nia atleta paralypimku sira hamorin ona Timor-Leste nia naran iha mundu. Ita nia maluk Teófilo Freitas fera rekor Aziátiku no ita nia maluk feto Pascoela lori mós ona Timor-Leste nia naran ba mundu,” Sekretriu Estadu hatete iha ninia diskursu.

Sekretáriu Estadu hatutan governu la taka matan ba atleta paralympiku iha ita nia rain no sei kontinua halo diskusaun rutina ho estrutura paralympiku nasional atu hare oinsa mak bele fo kondisaun mínima ba sira. Tamba guvernu iha dever hodi tau matan nafatin ba organizasaun ida ne’e no nia atleta sira.

Sekretáriu Estadu Juventude no Desportu mós aproveita fo hanoin ba komite Paralympiku nasional atu hala’o tan eventu sira seluk hodi nune’e maluk sira ho defisiensia seluk mos bele partisipa iha eventu desportiva sira.

#FoinSaeMillennialForsaKriativa #DesportuIhaSosiedadenoPrestasaun

Edjmg//Joqi//FBdJ//RM@copyrigthDNICT-SEJD 2020