DILI- Sekretáriu Estado Juventude no Desportu, Abrão Nokosiku Saldanha hasoru malu ho dirijente husi klubu Lalenok United FC hodi koalia kona-ba klubu nia partisipasaun iha jogu AFC Cup 2021. Sorumutu ne’e hala’o iha Sala reuniaun SEJD, Lecidere, Dili iha loron-05 fulan-Fevereiru tinan-2021.

Klubu Lalenok FC mak sei reprezenta Timor-Leste hodi partisipa iha jogus futeból AFC tinan-2021 no dadauk ne’e klubu refere hala’o hela preparativu sira ba Lalenok nia partisipasaun iha jogus AFC no ida ne’e mak dirijente sira klubu Lalenok nian koalia ho Sekretariu Estadu Juventude no Desportu.

Sekretáriu Estadu Abrão Saldanha expressa ninia esperansa katak Lalenok ninia partisipasaun iha jogus AFC tinan ida ne’e bele inspira klubu sira iha Timor-Leste no bele enkoraja ánimu atu ajuda hadiak liu tan futeból iha Timor-Leste.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021