SEJD-CUBA Kontinua Koperasaun Iha Area Desportu

By Media DNICT 19 Agostu 2020, 14:52:09 TLs DESPORTU
SEJD-CUBA  Kontinua Koperasaun Iha Area Desportu

Fotografia : S.E Abrão Saldanha konversa hela ho embaixadór CUBA iha Timor-Leste Omar Lauro Marrero Betancourt, Imajen//DNICT


DILI- Sekretáriu Estadu Juventude no Desportu (SEJD) Abrão Saldanha ho embaixadór CUBA iha Timor-Leste  Omar Lauro Marrero Betancourt, iha  tersa loron 18 fulan Agostu 2020 halo reuniaun  hodi koalia kona-ba kontinuasaun kooperasaun  iha area desportu nian.

Sekretáriu Estadu Abrão Saldanha hatete iha area desportu nian, Timor-Leste sei iha problema rekursu humanu liuliu  professor edukasaun fizika no desportu iha eskola sira.  Governante ne’e orgullu ho guvernu Cuba nia komimentu ne’ebé sempre disponivel hodi fo apoiu Timor Leste. 

Reuniaun ne’ebé realiza iha sala enkontro SEJD Lecidere Dili ne’e Embaixadór Cuba Omar Lauro informa, guvernu Cuba pronto apoiu SEJD  liuliu edukasaun fisika no desportu nian.

Iha tinan 2011 Cuba haruka ona nia treinador na’in tolu (3) apoia area desportu nian liu-liu iha  modalidade boxing, voliból no atletismo no kooperasaun ne’e remata tiha ona iha 2015. 


#FoinSaeMillenialForsaKriativa #DesportuIhaSosiedadenoPrestasaun 
FBdJ//RM @copyrigth DNICT-SEJD 2020




Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu