- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
SEKoop ho SEJD Vizita no fo Solidariedade ba Komunidade Afetadu iha Aldeia Xamatama

Fotografia : Sekretáriu Estado Juventude no Desportu (SEJD) Eng. Abrão Nokosiku Saldanha ho Sekretáriu Estadu Kooperativa (SEKoop), Elizário vizita no fo Solidariedade ba Komunidade Afetadu iha Aldeia Xamatama Bairo-Pite,Dili (05/04/2021). Iha visita ne’e , distribui mós fós ba família sira ne'ebé afetadu ba inundasaun hamutuk na'in-200 . Imajen/MIDIA SECOOP
Dili - Sekretáriu Estadu Kooperativa (SEKoop), Dr. Elizário Ferreira, MM hamutuk ho Sekretáriu Estadu Juventude no Desportu (SEJD), Eng. Abrăo "Nokosiku" Saldanha, distribui fós ba família sira ne'ebé afetadu ba inundasaun hamutuk na'in-200 iha aldeia Xamatana, Suku Bairro Pité, Postu administrativu Dom Aleixu, Munisípiu Dili.
Governante nain rua ne’e hala’o vizita solidaridade ba populasaun sira iha area refere hafoin akontese udan boot husi loron 03 to'o 04 fulan-abríl tinan 2021 ne'e, hodi rezulta inundasaun iha fatin hotu iha kapitál Dili.
Sekretáriu Estadu Kooperativa (SEKoop), Elizário Ferreira hatete liu husi koordenasaun ho Xefe aldeia Xamatana, ikus mai sira tun hodi observa direta inklui halo levantamentu dadus ba komunidade afetadu sira. Iha Observasaun ne’e indentifika vítima inundasaun hamutuk uma kain atus rua resin. Hafoin indetifikasaun SECOOP hamutuk ho SEJD hala'o kedan koordenasaun urjente ho Sentru Logistika Nasionál (CLN), hodi apóiu fos ba vitima sira.
"Atividade mak, ami halo levantamentu dadus ne'e, ami tun direta ba komunidade afetadu sira hodi hatene direta sira-nia kondisaun real, tanba komunidade afetadu ne'e barak no sira hasoru duni problema menus ai-han, entaun ohin ita distribui”, hatete SEKoop, Dr. Elizário Ferreira, MM hafoin distribui fós ba komunidade afetadu sira iha aldeia Xamatana, segunda (05/04/2021)
Sekretáriu Estadu Juventude no Desportu (SEJD), Abrăo "Nokosiku" Saldanha hatutan, komunidade barak mak enfrenta problema inundasau, tanba ne'e, iha dadus balu mak autoridade lokál sira halo hela identifikasaun.
Hafoin identifikasaun, entrega ba sala jestaun risku dezastre nian iha Sekretária Estadu Protesaun Sívil (SEPS) nia fatin, mak sei kanaliza tomak ba SEKoop ho SEJD.
Iha vizita ne’e nomos akompaña hosi Diretór Jerál SECOOP, Francisco Xavier, asesor, no Xefe departamentu sira inklui mos funsionáriu sira.
#FoinSaeMillennialForsaKriativa #DesportuIhaSosiedadeNoPrestasaun
@copyrigthDNICT-SEJD 2021
