- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Sekretaria Estadu Juventude no Desportu hola parte iha komando F-FDTL nia ezersisiu kobra II hodi fa
Fotografia : Prezidente KRAM esplika polítika prioridade sira Sekretariu Estadu nian kona-ba arte marsial no disemina mós Lei Nú. 5/2017.
Husi loron-20 to’o loron-30 fulan-Outubro tinan-2020, FALINTIL-Forsa Defeza Timor-Leste (F-FDTL) hala’o ezersisiu Kobra II ne’ebé hala’o iha postu administrativu Laga, munisipiu Baucau. Iha ezersisiu ida ne’e, F-FDTL foka ba asuntu importante rua mak; COVID-19 no Lei Arte Marsial.
Sekretariu Estadu Juventude no Desportu Sua Excellencia Eng. Abrão Saldanha delega Prezidente Komisaun Reguladora Arte Marsiais, Sr. Octavio da Conçeicão “Anus” hodi hola parte iha ezersisiu ida ne’e lori esplika serbisu sira ne’ebé mak SEJD halo ona no sei halo ba oin liga ho organizasaun arte marsial sira.
Koalia iha sorumutu sira ne’ebé mak Komando F-FDTL organiza, Prezidente KRAM esplika polítika prioridade sira Sekretariu Estadu nian kona-ba arte marsial no disemina mós Lei Nú. 5/2017, rezolusaun kon kriteriu sira ba arte marsial ne’ebé mak publika ona Jornal da Repúblika.
Halo esplikasaun kona-ba Sekretariu Estadu nia polítika ‘reintegrasaun arte marsial no sira nia enkuadramentu iha sistema nasional desportu,’ Sr. Octavio Conçeicão hatete katak, “Artes Marsiais nudar arte de kombate seidauk regula ho lejislasaun propriu ida. Pratika artes marsiais laos deit kontribui ba hadiak saude, espiritualidade, mental no fiziku maibe mos bele kontribui ba estraga orden publik no valores sosiedade ida nian bainhira la regula ho didiak.”
Tamba ne’e, Prezidente KRAM, hatutaun, “Sr. Sekretariu Estadu nia polítika mak atu hare fila fali no avalia lei existente sira relasiona ho artes marsiais, seguransa publik, no dezenvolvimentu juventude no desportu, organiza no halo konsulta ho organizasaun artes marsiais no partes relevante sira ho metodu propriu hodi halibur informasaun no iha tempu hanesan eleva koinesementu partes sira iha konsultasaun kona ba importansia hosi asuntu save sira,” serbisu importante seluk balu tan.
Sersbisu sira ne’e hotu nia intensaun mak “atu dezenvolve lejislasaun sira hodi garante prosesu propriu ida atu Reintegra Artes Marsiais iha Sosiedade no Enkuadra iha Sistema Dezenvolvimentu Desportu.”
Ezersisiu Kobra II ne’e Komando F-FDTL hala’o iha suku sira hotu iha Postu Administrativu Laga, ne’ebé hahu iha loron-20 no sei ensera iha loron-30 fulan Outubro.