DILI- Sekretáriu Estado Juventude no Desportu (SEJD) liu husi Diresaun Nasional Informasaun, Komunikasaun no Teknologia (DNICT)  inkontru ho Sekretariu Estadu Juventude no Desportu iha salaun SEJD tersa (30/06).

Diretora DNICT, Aida de Jesus Soares hateten inkontru ne’e atu fo sai hanoin hamutuk kona-ba planu atividade sira ne’ebé DNICT halo no aprezenta ona ba sekretariu estadu foun katak kontinua nafatin servisu anterior nian inklui prepara planu ba oin nian.

“ Sorumutu ida ne’e aprezenta progresu servisus no mos dezafiu fo hanoin balun ne’ebé hato’o ba sekretáriu estadu hetan resposta diak, tuir organograma foun ne’ebe mak limita servisu DNICT nian, bele dehan katak servsu balun entrega ba diresaun nasional juventude no desportu , no la taka dalan mos ba DNICT atu halao servisu balun ne’ebe antes ne’e halao ona. iha servisu balun entrega ba DNJD-SEJD nian, atu dehan deit katak servisu sira ne’e iha balun maka hetan resposta diak husi sekretariu estadu rasik para atu apoia liu-liu ba dokumentasaun sira ne’ebé halai liu ba parte desportu no juventude nian tamba SEJD laiha arquivo ida proprio, tamba ne’e parte husi IT nia hanoin atu hola server ida atu bele rezerva arquivu liu-liu kona-ba atvidade desportu no juventude nian ne’ebé iha tiha ona para atu arquiva iha fatin “ dehan Aida de Jesus.

Diretora DNICT mos informa kona-ba parte relasaun publika nian, ne’ebé hetan apoiu positivu husi SE atu kontinua koopera nafatin ho gabinete sekretariu estadu nian, liu-liu kona-ba atividade diaria no semanal Sekretáriu Estadu nian.

Entertanto, Sekretáriu Estadu Juventude no Desportu Abrão Saldanha agradese ba DNICT nia servisu ne’ebe trasa ona tuir planu ne’ebe mensiona katak tulun foinsa’e sira hodi hatudu sira nia kapasidade no forsa nudar joven iha sosiedade.

SE husu atu DNICT hatu'ur estratejia komunikasaun ida ne’ebé diak hodi alkansa visaun SEJD nian ba tinan rua mai hodi tulun joven sira nudar foinsa'e milenial,forsa kriativa, desportu iha sosiedade no prestasaun.

@COPYRIGHT2020# DNICT-SEJD#

Hakerek husi: Frederico Branco de Jesus

Video Ligasaun: