DILI- Sekretária Estadu Juventude no Desportu (SEJD) Eng. Abrão Nokosiku Saldanha, kuarta loron 24 fulan fevereiru tinan 2021 ne’e hetan tan konvite hodi sai orador ba atividade orientasaun iha Universidade Da Paz (UNPAZ). Excellensia nia prezensia iha UNPAZ ne’e hodi hato’o palestra kona-ba papel juventude ba dezemvolvimentu desportu iha Timor-Leste.

Sekretáriu Estadu Abrão Saldanha apresia UNPAZ ne’ebé moderniza ona sistema orientasaun ba estudante foun sira. “UNPAZ hatudu ona ezemplu diak ba sosiedade, hein katak universidade públiku bele hahu saida mak UNPAZ halo ona”. Dehan sekretariu estadu ba estudante foun universitariu mais ou menus 2000 ne’ebé konsentra iha salaun UNPAZ, Osindo Manleuana Dili. Orientasaun estudante foun UNPAZ ba tinan akademiku 2020/2021 ne’e ho lema Politika reforma no kualidade asegura rekursu umanu ba dezemvolvimentu Timor Leste.

Abrão Saldanha kontinua akresenta papel guvernu nian, “Politcs and Policy”, politikas ka programas SEJD nian iha, ba estudantes universitariu sira ligadu ho lema refere . Nudar Abrão, populasaun Timor-Leste kuaze 75% joven ho idade 35 mai kraik maka agora iha sosiedade nia le’et, hodi proteze no halo mundansa ita nia rai, reprezenta nia dezafiu, nune’e guvernu kria espasu iha sentru juventude ba joven sira atu bele asesu informasaun inklui fiar politikas publikas.

Governante ne’e hatutan kampu traballu hanesan dimensaun bo’ot ne’ebé hamosu persepsaun ema hotu-hotu nian, oinsa mak bele sai funsionariu publiku, “Ezemplu, nasaun ida ne’ebé mak nia populasaun sai funsionariu publiku hotu?”. Estadu nia papel mak kria kondisaun ou kria espasu ba públiku atu dezemvolve nia a’an, dezemvolve nia strutura, dezemvolve nia tarefas para rekonese. VIII guvernu konstitusional nia lei organika atribui ba sekretaria estadu juventude no desportu mak responsabiliza polítika ba area juventude no desportu, ”area juventude nia kestaun laos SEJD mesak mak responsavel, maibe kestaun ida ne’e transversal iha fatin hotu-hotu”, dehan sekretariu estadu.

#FoinSaeMillennialForsaKriativa #DesportuIhaSosiedadeNoPrestasaun

@copyrigthDNICT-SEJD 2021