- Natalino Ornai Guterres: Hau Sei La Nonok. Hau Sei Luta Nafatin!
- Ricardo Marques: Ba Serbisu Buka Osan Iha Rai Liur, Labele Haluha Fila Mai Investe iha Timor-Leste
- Fausto Marlius: Dudu Karrosa Lixu Hodi Hetan Osan, Too Gradua iha UNPAZ
- Saida mak Doping?
- SEJD Enkoraja Joven Sira Atu Sai Autor Ekonomika Hodi Kontribui Fo Solusaun Ba Ita Nia Rain
- Livraria Online, Opsaun Hodi Tulun Foin-Sae Sira
- SEJD Monitoriza Implementasaun Jinastika Timor-Leste iha Munisipiu Manufahi
- Grupu Klibur Kalohan Foun Suku Lahane Oriental koileta Ikan Nila hetan rendementu $ 360.00
- SEJD ho Autoridade Lokal Munisipiu Ainaro koileta Ikan Atividade Istimulu Empreendedorizmu Juventude
- Sekretariu Estadu Abrao Saldanha Haksolok ho Grupu Juventude Hakiak Karau nia Kriatividade Produtivu
Sekretariu Estadu Juventude no Desportu Hasoru Malu ho CONTL
Fotografia : S.E Abrão Nokosiku Saldanha sorumutu ho CONTL. Imajen/DNICT
DILI- Sekretáriu Estadu Juventude no Desportu, S.E. Eng Abrão Saldanha hasoru malu ho komitiva husi Komite Olympiku Nasionál Timor-Leste (CONTL) ne’ebé lidera husi Vice-Prezidente CONTL, Mateus da Cruz, segunda loron-3 fulan-Agostu tinan-2020.
Asuntu lubuk ida mak koalia iha sorutumu ne’e, inklui kestaun Timor-Leste nia autoridade nasional ba anti-dopajen, Timor-Leste nia partisipasaun iha jogus olímpiku tinan-2020 iha Tokyo Japaun no Winter Olimpyc Games tinan-2022 iha China no jogus SEA Games. Enkontru ne’e mós koalia kona-ba Asian Beach Games, Indoor and Martials Arts Games tinan-2021 no Asian Youth Games tinan-2021.
Diskusaun sobre jogus hirak ne’e koalia kona-ba númiru atleta sira ne’ebé mak sei ba reprezenta Timor-Leste iha eventu internasionál sira ne’e, iha modalidade saída deit, preparativu sira ne’ebé mak hala’o tiha ona no sei halo tan atu assegura Timor-Leste nia partisipasaun.
Sekretáriu Estadu Juventude no Desportu hanoin katak Timor-Leste nia partisipasaun iha eventu sira ne’e presiza atu diskuti halo didiak hodi garante katak partisipasaun sira iha rezultadu. Sekretáriu Estadu mós husu atu iha diskusaun seluk ida hodi hare oinsa mak CONTL bele ajuda mobiliza apoiu husi Konsellu Solidariedade Olímpiku ba federasaun sira iha Timor-Leste no investimentu ba dezenvolvimentu rekursus umanus iha área desportu.
#FoinSaeMillenialForsaKriativa #DesportuIhaSosiedadenoPrestasaun
@copyrigth DNICT-SEJD 2020