Subsidiu klubu laiha, LFA defisil halao jogu iha epoka 2020

By Admin 05 Febereiru 2020, 14:17:45 TLs DESPORTU
Subsidiu klubu laiha, LFA defisil halao jogu iha epoka 2020

Fotografia : Sekretáriu estadu Nelyo Isaac halo inkontru no rona preokupasaun hosi Liga Futebool Amadora ne’ebe mai aprezenta relatorio kona-ba aktividade LFA nian ba SEJD


DILI – Sekretariu Estdau Juventude no Desportu (SEJD), Nelyo Isaac Sarmento deklara laiha subsidiu ba klubu sira iha tinan 2020 ne’e. Sekretáriu estadu hato’o asuntu ne’e hafoin halo inkontru no rona preokupasaun hosi Liga Futebool Amadora ne’ebe mai aprezenta relatorio kona-ba aktividade LFA nian ba SEJD. Governante ne’e husu ba klubu sira atu la dependente deit ba subsidiu husi guvernu maibe bele mos hetan subsidiu husi federasaun.

“ Parte SEJD provoka asuntu kona-ba subsidiu ne’e tamba lakohi ambito subsidiu ne’e mak halo klubu sira ne’e moris, orsamento ne’e 100% ba klubu sira maibe presiza klubu sira seluk mos bele dezemvolve sira nia klubu, presiza investe ba klubu sira ne’e mak futebool investe ona, aliende ne’e mos presiza investe tan ba basketbola no volybola no agora dadaun ne’e sei uza orsamentu temporaria signifika hot-hotu tenke halo exercicio ida klean no oinsa atu poupansa orsamentu ida ne’e, hanoin hanesan ne’e guvernu investe hanesan no federasaun mos investe hanesan, atu nune’e bele iha balansu karik guverno la fo subsidiu federasaun bele fo subsidiu ba klubu sira mak foin halo gestaun iha laran liu husi premios sira ne’ebe hetan ne’e” esplika Nelyo Isaac, Kuarta (29/01/2020), iha Salaun inkontru SEJD, Lecidere, Dili.

Entretantu, Presidente Liga Futebool Amadora (LFA) Nilton Gusmão hateten enkontru ne’e atu hato’o kestaun balun ba parte SEJD nian konaba efetividade parte estadu nian ba klubu sira. Presidente LFA ne’e husu ba klubu sira kontinua disiplina ho dotasaun orsamentu ne’ebé mak hetan apoiu husi SEJD.

“Diskusaun lubuk ida mak ami halo iha ne’e liu-liu buka atu hare kontribuisaun husi parte estadu nian ne’e efetividade to’o iha ne’ebe, apoiu husi estadu nian ba klubu sira nian ne’e efetividade oinsa, ne’e mak ohin ami mai koalia hamutuk no hanoin barak mak importante mak ba clubo sir abele iha liu responsabilidade ba utilizasaun fundu ne’ebe maka ita nia guverno subsidia ba klubu sira ne’e, tamba problema boot liu mak relatorio ne’ebe sira aprezenta ba SEJD ida ne’e sai kestaun boot ida, tamba ne’e mak hanesan presidente fo korajen nafatin ba klubu sira atu disiplina nafatin iha dotasaun orsamento ne’ebe maka hetan apoiu husi SEJD” dehan Nilton Gusmão.

 

Hakerek hosi: Frederico de Jesus

Editor: Robert Mendonça

COPYRIGHT@2020#MEDIAGABSEJD#

 




Video Ligasaun:


Hakerek Komentariu Iha Facebook

Hakerek Komentariu Iha Account Facebook

Hare Komentariu Hotu-Hotu

Hakerek Komentariu