Timor-Leste Kontinua perpara jogu CPLP 2020 mesmu iha ameasas COVID-19

By Media DNICT 11 Marsu 2020, 11:09:52 TLs DESPORTU
Timor-Leste Kontinua perpara jogu CPLP 2020 mesmu iha ameasas COVID-19

S.E Nelyo Isaac iha intervista ida ho jornalista sira kona-ba perparasaun jogu CPLP 2020 relasiona ho ameasas COVID-19


DILI – Sekretariu Estadu Juventude no Desportu (SEJD), Nelyo Isaac Sarmento hateten nasaun Timor-Leste iha vontade no prepara ona jogos CPLP ba dala XII ne’ebe Timor-Leste mak sai uma nain maske hasoru dezafiu bo’ot kona-ba Coronavirus (Corona Virus Disease 2019 - COVID-19) ne’ebé espalla iha mundu to’o ohin loron.

Nudar Nelyo, ameasa ba jogu CPLP ne’e mak moras COVID-19 neste momentu ami nafatin komunika ho Ministeriu Saude (MS) no Organizasaun Mundiál da Saúde (OMS) atu akompana nafatin situasaun ne’e no hafoin reuniaun entre liña ministerial sira no ami sei halo karta ida ba OMS atu fo took sira nia briefing ida ba informasaun katak fulan jullu ne’e loron ida ne’ebe importante mak sedu ou tarde atu realiza jogu CPLP.

“Mudansas COVID-19 nasaun hot-hotu afetadu no akompaña hela no bainhira mak epidemia ne’e remata, entaun ita tenke husu advice sira husi OMS atu fo hanoin mai ita ne’ebé ami nia tempu besik dadaun ona no mai halo karta ida-ba OMS no mos ami reuniaun iha semana ida ne’e nia laran ho ekipa CTA-CPLP sira ne’ebe mai husi liña ministerial sira atu deside ida no partilla ba ministeriu saude tamba ministeriu saude mos faz parte iha komisaun organizadora ba jogu CPLP 2020 no ministeriu saude mos sei fo infromasaun mai ami no husu ba OMS kona-ba COVID-19 ne’e nian , kuandu OMS hateten katak seidauk bele atu realiza jogu ne’e, entaun ita tenke kansela jogu ne’e no mos parte ida katak OMS fo hanoin mai ita katak ita sei hare took no fulan hira mak remata ba COVID-19 ne’e, maibe ita nia preparasaun lao nafatin” dehan Nelyo Isaac ba jornalista sira iha SEJD,Tersa Feira (10/03)

 

Hakerek hosi: Frederico de Jesus

Editor: Robert Mendonça

COPYRIGHT@2020#MEDIAGABSEJD#




Write a comment

iha 1 Komentariu ba informasaun ne'e

Hare Komentariu Hotu-Hotu

Hakerek Komentariu