Xefe Suku Lalisuc agradese ho programa dezaminasaun lei no.5/2017 hodi prevene joven halo konflitu

By Media DNICT 05 Desembru 2019, 17:31:41 TLs CRAM
Xefe Suku Lalisuc agradese ho programa  dezaminasaun lei no.5/2017 hodi prevene joven halo konflitu

Atividade dezaminasaun lei no.5/2017 iha Sede Suku Lalisuc


RAEOA – Xefe Suku Lalisuc, Hermelindo Lalisuc agradese programa dezaminasaun lei no.5/2017 hodi prevene foinsa’e sira husi konflitu iha futuru.

Nudar Hermelindo persiza aumenta orsamentu tan hodi bele dezemina informasaun refere to’o iha aldeia sira, nune’e komunidade ne’ebé hela iha area remota bele hetan informasaun ruma konaba Lei númeru 5/2017 de 19 de abril kona-ba rejime jurídiku kona-ba prátika artes-marsial, ritual sira, arma branka, rama ambon no kinta alterasaun kódigu penál.

“ Agradese ba programa ida ne’e diak teb-tebes atu nune’e joven sira lao tuir lei ne’ebé iha hodi nune’e labele hamosu konflitu iha futuru. Hau garante katak bele I depois hau servisu hamutuk ho hau nia aldeia sira hodi pasa informasaun kona ba lei no.5/2017 ba iha komunidade nia le’et karik tempo inkotru ruma iha Aldeia iha bairu ami-sei hato’o programa ne’e. Iha oportunidade ida ne’e hakarak dehan deit katak ita deskonfia katak arte marsiais iha maibe la hare mais atu amiasa bairo ida no amiasa bairo seluk laiha, hau hanoin laos suku ida ne’e deit maibe suku hotu- hotu ema dehan kenakalan remaja ne’e sempre iha mais la oho malu.” dehan Hermelindo Lalisuc..

Enkuantu, Prezidente sub- KRAM RAEOA Zeferino da Cruz Sa'u sente kontente tamba programa Sub-KRAM RAEOA tinan-ida ne’e halo dezamina lei no.5/2017 hetan mós partisipasaun husi Prezidente KRAM Nasional Carolina Octavia G. Pereira ho nia komisariu KRAM sira inklui konsileriu tekniku iha programa ne’e hanesan motivasaun ba joven sira iha Suku Lalisuc.

Ba partisipantes sira ne’ebé partisipa iha sede Suku Lalisuc (04/12) ne’e presidente sub- KRAM RAEOA hatete objetivu dezaminasaun iha suku Lalisuc ne’e tama iha programa nasional KRAM ninian ne’ebé kobre iha munisipiu inklui RAEOA.

“Sub-KRAM nia programa dezaminasaun iha tinan 2019 ne’e iha fatin rua mak hanesan EDB Bauknana, Suku Beneufe, Postu Administrativu Nitibe no segundu mak halao iha Suku Lalisuk Postu Admnistrativu Pante-Makasar. Objectivo husi programa ida nemak atu habelar informasoens liu husi dezaminasaun ba lei no.5/2017 ba komunidade tomak liu liu juventude depois organizasoens sira ne’ebé mak agora dadaun iha suku laran hanesan organizasaun sira ne’ebé ativu atu oinsa bele lao tuir regulamentu ne’ebe mak posta ona iha lei no.5/2017 .” dehan Zeferino.

Atividade dezaminasaun ne’e remata ho programa husu no hatan konaba problema joven sira nian ne’ebé oras ne’e mosu relasiona ho papel KRAM nian. Partisipa iha dezaminasaun ne’e alende juventude sira iha Suku Lalisuc , auoridade lokal suku, Polisia Eskuadra Lalisuc, Presidente KRAM Carolina Octavia G. Pereira, Augusto de Araujo KRAM-MEJD, Heribertus A.Colo KRAM-FESTIL, Fidelia da Costa Pereira KRAM-KEMPO, Inocencio A. da Silva KRAM-PNTL no Sub-KRAM RAEOA.

 

Hakerek na’in : Abel de J.Andrade

@COPYRIGHT2019#DNICT-SEJD#




Hare Komentariu Hotu-Hotu

Hakerek Komentariu